Sot në Vushtrri është arrestuar një person i dyshuar për veprën penale falsifikim i parasë.
Kështu ka njoftuar Policia e Kosovës, derisa ka theksuar se 33 vjeçarit gjatë kontrollit i janë gjetur dhe sekuestruar kartmonedha dhe monedha metalike në vlerë prej 466 euro.
“Arrestimi i të dyshuarit A. D., 33 vjeçar, shtetas i Republikës së Kosovës është bërë pasi gjatë kontrollit në çantën e krahut te i dyshuari janë gjetur dhe sekuestruar kartëmonedha dhe monedha metalike mbi dyshimin se janë të falsifikuara në vlerë prej 466 €uro: 11 x 20 €uro, kartëmonedha , 108 x 2 €uro, monedha metalike, 20 x 1 €uro, monedha metalike, 20 x 0.50 €uro, monedha metalike”, thuhet në njoftim.
Bëhet e ditur se pas intervistimit, me aktvendim të Prokurorit të dyshuarit i është caktuar masa e ndalimit për 48 orë. /teve1.info./
