Vuçiq ka thënë se ata do të jenë me serbët në Kosovë.
“Popullit tonë i pret kohë të vështira dhe do të ishte çmenduri të parashikonim diçka tani. Ne do të jemi me serbët në Kosovë, të cilët kanë treguar se nuk duan të dëgjojnë Kurtin apo të tjerët, por veten dhe ndërgjegjen e tyre. duan që të respektohen të drejtat e tyre”, tha ai, raporton Novosti.
Vuçiq këto komente i bërë kur u pyet nëse do të bëhet konfiskimi i veturave pas datës 31 tetor kur edhe skadon afati i vendosur nga Qeveria e Kosovës për ndërrimin e targave.
Ai ka theksuar se në veri të Kosovës vetëm dy persona i kanë riregjistruar veturat e tyre, ndërsa Prishtina ka pritur 7000.
Ndërsa,kryeministri i Kosovës, Albin Kurti të martën tha se 31 tetori është afati i fundit.
Ai se për këtë çështje është në diskutime me komandantin e KFOR-it dhe ministrin Sveçla.
Kurti foli edhe për kërkesën e BE-së dhe ShBA-së për shtyrje të afatit ku tha se kërkesat e aleatëve i marrin shumë seriozisht.
“Jemi të kujdesshëm që të mos rrezikohet paqja dhe siguria, andaj kur të na japin aleatët sugjerime ne i marrim shumë seriozisht. Jam në kontakt vazhdimisht me ministrin tim të Brendshëm, me drejtorin e Policisë, komandantin e KFOR-it. Nuk duam t’i befasojmë aleatët por kriminelët”, tha Kurti./teve1.info/
