Në Pirot, qytetarët e mbledhur në një takim publik kanë shpallur presidentin e Serbisë, Aleksandar Vuçiç, “person non grata”.
Ata kërkojnë që autoritetet lokale të shprehin qëndrimin e tyre mbi dhunën ndaj studentëve dhe protestuesve më 15 mars në Beograd.
Në Kuvendin e mbajtur më 19 mars, njëzëri u vendos që të kërkohet nga Kuvendi i qytetit të Pirotit, si dhe nga kryetari Vladan Vasiq, që të shprehin qëndrimin e tyre për dhunën e ushtruar ndaj studentëve dhe qytetarëve gjatë protestës “15 minuta për 15 jetë të humbura” të mbajtur në Beograd më 15 mars, shkruan Nova.
Gjithashtu, kërkojnë transparencë për zyrtarët lokalë që kanë mbështetur kampin e studentëve pro-qeveritarë.
Ky është rasti i parë ku një qytet në Serbi ndërmerr një hap të tillë ndaj Vuçiçit.
