Ka përfunduar takimi ndërmjet Përfaqësuesit të Lartë për Politikë të Jashtme të Bashkimit Evropian, Josep Borrell dhe presidentit të Serbisë, Aleksandar Vuçiq.
Presidenti i Serbisë, Aleksandër Vuçiq pas takimit tha se nuk mund të thotë se ka ndonjë udhërrëfyes për daljen nga kriza në veri të Kosovës.
“Kemi diskutuar çështjen, substancën, e cila ishte e pashmangshme, por besoj edhe e dobishme, por atë që do të shohim nesër në terren… Ne do të vazhdojmë të bisedojmë në baza ditore, sepse paqja dhe stabiliteti janë kyçe, por unë paralajmërova se serbët janë në një pozitë shumë të vështirë dhe se nuk duan ta durojnë terrorin e Kurtit në atë mënyrë që janë detyruar ta detyrojnë deri në këtë moment”, tha Vuçiq.
Borrell paraprakisht sot ka takuar edhe kryeministrin e Kosovës, Albin Kurtin.
