Presidenti i Serbisë vazhdon e ju del në krah njerëzve që ndodhen në listën e zezë të Shteteve të Bashkuara të Amerikës.
Ai zgjodhi që në një intervistë mbrëmë në një televizion serb që thur lëvdata për biznesmenin kontrovers që njihet për të bëmat e tij si në Kosovë, ashtu edhe në Serbi.
Është fjala për Zvonko Veselinoviqin, njeriun që kryente punët dhe urdhrat e Vuçiqit në veri të Kosovës.
Ai gjatë gjithë intervistës ra në kontradiktë me fjalët e tij.
Njëherë tha se nuk është takuar shumë me Veselinoviqin, kurse më pas me bindje të plotë tha se është i sigurt se ai nuk ka vjedhur nga populli serb që jeton në Kosovë.
Ai fillimisht u pyet nëse fillimet e Veselinoviqit ishin në barrikada dhe se ai e shfrytëzoi situatën për kontrabandë.
Ishte ky momenti që Vuçiq nisi t’i japë merita njeriut që ndodhet ende në listën e zezë të SHBA-së.
Madje shkoi deri aty, që e quajti guximtar.
“Jam i sigurt se Veselinoviqi ka bërë gjithçka vetëm për të mirën e popullit serb të Kosovës. Unë jam i sigurt se ai nuk ka vjedhur asgjë nga populli serb i Kosovës, pasi unë di diçka nga burimet e inteligjencës. Disa njerëz ishin më të guximshëm për të furnizuar njerëzit tanë kur i mbyllën të gjitha rrugët e tyre në Kosovë”.
Në të njëjtin emision Vuciq foli edhe për njohjen e tij me Veselinoviqin, aktualisht një nga sipërmarrësit kryesorë në Serbi.
Edhe tek kjo pjesa, Vuciq u zu në rrenë. Në një regjistrim i vitit 2017 presidenti serb flet se si nuk e njeh Veselinoviqin.
Aty, ai e ka mohuar në këtë emision duke thënë se e ka takuar dy herë, në Beograd dhe në Mitrovicë.
“Atëherë u grindëm sepse ai donte që Borislav Peleviq të ishte kreu i Partisë Progresive Serbe në veri dhe unë doja që Krstimir Pantiq të ishte kryetar”, vazhdoi ai.
Borislav Peleviq – ish-shok i Arkanit kiurse Krstimir Pantiq, i ashtquajtur kryetar i komunës së Mitrovicës në veri.
Në emision ai është pyetur për punët që i janë dhënë Veselinoviqit, për të cilën Vuçiq ka thënë se “kinezët e zgjedhin sepse ai bën punën më të mirë”.
“Zvonko ka një kompani të mirë punimesh dheu dhe të gjithë duan ta punësojnë për punë tokësore. Kjo është gjithçka që di. Nuk më ka dhënë as një dinar”, ka thënë Vuçiq duke vazhduar misionin e tij për mbrojtjen e Veselinoviqit.
