Presidenti i Serbisë, Aleksandar Vuçiq, ka reaguar pasi sot është raportuar se Policia e Kosovës ka ndaluar djalin e tij, Danilo Vuçiq në Trudë. Kjo për shkak të mbishkrimit në bluzën e tij “dorëzimi nuk është opsion”.
Për këtë presidenti serb e ka përgëzuar kryeministrin Kurti për siç tha ai, kurajon e tij, teksa theksoi se djali i tij, Danilo është pak më trim se Kurti.
“E përgëzoj Albin Kurtin për kurajën e tij. Ai nuk është kaq i guximshëm kur është përreth meje, por në rregull. Kur dërgojnë të tjerët që të sigurojnë jetesën me fëmijët e të tjerëve, është në rregull. Danilo nuk është i vogël, është pak më trim se Albin Kurti”, ka thënë Vuçiq, raportoi Danas.
