Presidenti i Serbisë, Aleksandër Vuçiq ka thënë se ai i di të gjitha taktikat që i përdor Kurti në negociata.
Sipas tij me Kurtin nuk bëhet bisedë sepse ai flet për Demaçin e Millosheviqin.
“Fillon të flasë për Adem Demaqin, për Sllobodan Millosheviqin, disa histori të tilla. Sigurisht që do të ketë diskutime për Asociacionin, sepse unë do të flas për të. Ata nuk mund të më befasojnë me asgjë. Unë kam marrë pjesë në ato biseda kaq shumë herë, nëse do të isha personi më budalla në botë, do të isha më i përgatituri dhe mendoj se nuk jam vërtet personi më budalla. Ata thjesht duan t’i japin një goditje tjetër serbëve në Kosovë, me ndihmën e atyre Rashiqëve dhe serbëve të tjerë të kualifikuar”, ka deklaruar Vuçiq për TV Pink, transmeton teve1.info.
