Vuçiç e ndërpreu papritur vizitën e tij në SHBA gjatë fundjavës për shkak të sëmundjes dhe u kthye në Serbi, ku u shtrua në një spital ushtarak në Beograd të shtunën për shkak të presionit të lartë të gjakut, sipas një kardiologu.
Disa media spekuluan, pas lajmeve për problemet shëndetësore të presidentit , nëse ai po përpiqej të shmangte vizitën në Moskë në fundjavë.
Brukseli i ka paralajmëruar udhëheqësit e BE-së dhe vendeve kandidate kundër pjesëmarrjes në paradën e Ditës së Fitores në Moskë më 9 maj.
Por Vuçiç ka mbërritur tashmë në Moskë, ku do të takohet me Putinin të premten. Siç raportohet nga agjencia ruse e lajmeve Interfax, këshilltari presidencial rus Yuri Ushakov njoftoi të martën se të dy udhëheqësit do të diskutojnë një sërë çështjesh dypalëshe dhe situatën në Ballkanin Perëndimor. Ai theksoi gjithashtu se bashkëpunimi strategjik midis dy vendeve sjell përfitime të ndërsjella.
“Nuk më intereson çfarë thonë të tjerët për mua”, tha ai.
Në një deklaratë për mediat serbe në Moskë, Vuçiç tha se nuk i interesonte çfarë thoshin të tjerët për vizitën e tij në kryeqytetin rus dhe se pasojat e mundshme do t’i mbante vetë, jo populli serb.
“Jam këtu për të luftuar për popullin dhe vendin tim. Nuk më intereson çfarë më thonë të tjerët. Unë u zgjodha nga populli serb, unë u zgjodha nga qytetarët e Serbisë. Askush nuk më zgjodhi në Riga, Talin, Vilnius, Kaunas apo askund tjetër. Me gjithë respektin e duhur – ne kurrë nuk do t’u bëjmë atyre atë që na bënë ata neve”, tha ai.
Ai shtoi se Serbia mbetet e përkushtuar në rrugën e saj evropiane.
Ai njoftoi se do të takohej me Putinin, presidentin kinez Xi Jinping, patriarkun rus Kirill dhe presidentin kazak Kassym-Jomart Tokayev në Moskë . Ndër të tjera, pritet që ata të flasin për bashkëpunimin ekonomik dhe politik, si dhe për projektet infrastrukturore.
