Një person është vrarë në rrugën “Myrte Zeneli” në Tiranë.
Sipas Policisë së Shtetit rasti ka ndodhur rreth orës 20:40, ku me armë zjarri është gjuajtur në drejtim të veturës së shtetasit B.N, rreht 56 – vjeç.
Deri tash nuk ka të arrestuar apo të dyshuar për këtë rast, por policia ka bërë të ditur se ka shtuar pikat e kontrollit.
“Më datë 12.01.2025, rreth orës 20:40, tek “Pallati me Shigjeta” në rrugën “Myrte Zeneli”, është qëlluar me armë zjarri në drejtim të një automjeti me drejtues shtetasin B.N, rreth 56 vjeç, i cili si pasojë ka humbur jetën. Një grup i posaçëm hetimor, nën drejtimin e Prokurorisë, ndodhet në vendngjarje dhe vazhdon punën për sqarimin e rrethanave të ngjarjes, identifikimin dhe kapjen e autorit/ëve të dyshuar. Shërbimet e Policisë kanë ngritur pika kontrolli dhe po ushtrojnë kontrolle në zonë për kapjen e autorit”, thuhet nga Policia e Shtetit.
