Kryetari i Vushtrrisë, Ferit Idrizi, ka thirrur mbledhje urgjente të Këshillit për Siguri në Bashkësi, pas vrasëses së 19-vjeçarit dhe vrasjes së dyfishtë dje në Stanoc.
Idrizi tha se organet e sigurisë kanë nisur hetimet për të dyja rastet, derisa potencoi se drejtësia do ta thotë fjalën e fundit.
“Ky ka qenë një moment shumë i vështirë për të gjithë ne dhe për komunitetin tonë. Për këtë arsye, direkt kam thirrur një mbledhje urgjente të Këshillit Komunal për Siguri në Bashkësi. Në këto momente të vështira, ngushëllimet e mia shkojnë për familjarët e viktimave dhe për të gjithë qytetarët e Vushtrrisë që po përjetojnë këtë dhimbje të papërshkrueshme. Organet e sigurisë po i trajtojnë këto dy raste dhe ne presim që drejtësia ta thotë fjalën e fundit”, ka shkruar Idrizi në një postim në Facebook.
Ndërkohë, i pari i Vushtrrisë ka shprehur ngushëllime për familjarët, derisa thotë se ndjen shqetësim për humbjen e jetëve të tre qytetarët vushtrrias.
“Dy ditët e fundit kanë sjellë ndodhi tragjike që na kanë prekur të gjithëve thellë. Si Kryetar i Komunës, nuk kam fjalë të mjaftueshme për të shprehur dhimbjen dhe shqetësimin që ndiej për humbjen e jetëve të tre qytetarëve të komunës tonë”, ka shkruar Idrizi./teve1.info/
