Policia e Kosovës ka njoftuar për një incident që ka ndodhur mbrëmjen e së shtunës në rrugën “Woodrow Wilson” në Prishtinë, ku janë dëgjuar të shtëna me armë zjarri.
Pas ngjarjes, njësitet përkatëse policore thuhet se kanë dalë në vendin e ngjarjes për të bërë hetimet e nevojshme, ku gjatë kontrollit ka gjetur dhe konfiskuar një gëzhojë.
Lidhur me rastin janë intervistuar tre dëshmitarë, ndërsa është njoftuar edhe prokurori.
“Raportohet se pas të shtënave me armë zjarri, në vendin e ngjarjes kanë dal njësitet përkatëse policore ku kanë gjetur dhe konfiskuar një gëzhojë. Lidhur me rastin janë intervistuar tre dëshmitar meshkuj kosovarë, ndërsa është njoftuar edhe prokurori. Rasti është nën hetime nga njësitet kompetente policore”, bëhet e ditur në raportin e PK-së.
