Në orët e para të mëngjesit të datës 3 shtator, në Pejë, një person i paidentifikuar ka shtënë me armë zjarri në drejtim të një të riu.
Policia ka bërë të ditur se, babai i viktimës ka lajmëruar rastin në polici, teksa viktima ka pësuar lëndime.
Në raport thuhet se për shkak të frikës viktima ka rezervuar një biletë avidoni dhe është larguar menjëherë pas incidentit, raporton teve1.info
Kurse, njësitë policore kanë dalë në vendin e ngjarjes, ku kanë gjetur dhe konfiskuar dy fishekë dhe dy gëzhoja të kalibrit 7.62 mm.
Viktima nuk ka qenë i qasshëm për t’u intervistuar nga policia.
Ndërkohë, hetimet për rastin janë duke vazhduar dhe është informuar edhe prokurori për këtë ngjarje.
“Pejë / 03.09.2024 – 03:00. Me datë 04.09.2024 ankuesi kosovar ka raportuar se, me datën dhe kohën e cekur, persona të panjohur për motive ende të panjohura kanë shtënë me armë zjarri në drejtim të viktimës-djalit të tij. Viktima, sipas ankuesit ka pësuar lëndime, por tretman mjekësor nuk dihet nëse ka pranuar pasi sipas ankuesit i njëjti nga frika ka rezervuar biletën e aeroplanit dhe është larguar. Njësitet në vendin e ngjarjes kanë gjetur dhe konfiskuar 2-fishekë dhe 2 gëzhoja cal-7.62 mm. Viktima nuk ka qenë i çastshëm për njësitet policore për t’u intervistuar. Lidhur me rastin është informuar e konsultuar edhe prokurori, ndërsa rasti është duke u hetuar“, thuhet në raport.
