Një vrasje në tentativë ka ndodhur mbrëmë në orët e vona në Pejë.
Policia thotë se një person, punëtor në pompë derivatesh ka pësuar lëndime pasi i njëjti, dyshohet se është goditur me veturë qëllimisht nga një person i dyshuar.
Në raportin ditor është bërë e ditur se krejt kjo dyshohet se ka ndodhu shkaku i një mosmarrëveshje verbale.
Ndërkohë, viktima është dërguar në spitalin rajon në Pejë, ndërsa i dyshuari ka braktisur veturën dhe ka ikë në drejtim të panjohur.
Vetura është konfiskuar, ndërsa i dyshuari është në kërkim nga njësitë përkatëse policore.
“Pejë 16.12.2023-23:07. Viktima mashkull kosovar (punëtor në pompë derivatesh) ka pësuar lëndime pasi që i njëjti, dyshohet se është goditur me veturë qëllimisht nga i dyshuari kosovar, dyshohet për shkak të një mosmarrëveshje verbale. Viktima është dërguar për tretman mjekësor në spitalin rajonal në Pejë, ndërsa i dyshuari ka braktis veturën dhe ka ikur në drejtim të panjohur. Vetura është konfiskuar, ndërsa i dyshuari është në kërkim nga njësitet policore. Lidhur me rastin është informuar e konsultuar edhe prokurori. Rasti duke u hetuar”, thuhet në raportin ditor të Policisë së Kosovës./teve1.info/
