Policia e Kosovës, ka bërë të ditur se gjatë ditës së djeshme një person në shenjë hakmarrje, shkaku i një rasti që ka ndodhur më parë, me veturën e tij qëllimisht ka goditur një person, në Ferizaj.
Në raportin 24-orësh të PK-së, thuhet se nga goditja e veturës viktima ka pësuar lëndime, dhe si pasojë është duke marrë trajtim në QKUK.
I dyshuari është në arrati, derisa Policia thotë se është në kërkim.
Ky rast është iniciuar “Vrasje në tentativë”, ndërkohë ende është në procedura hetimore. /teve1.info/
“Ferizaj 29.04.2023 – 14:30. Raportohet se si shenjë hakmarrje, shkak i një rasti të mëhershëm, i dyshuari mashkull kosovar, me veturën e tij, në lëvizje ka goditur qëllimisht, viktimën mashkull kosovar. Viktima është duke u trajtuar në QKUK. I dyshuari në kërkim policor, ndërsa rasti në procedurë hetimore”, thuhet në raportin 24-orësh të Policisë së Kosovës.
