Ish – drejtori i Policisë së Kosovës, Reshat Maliqi ka thënë se nisja e hetimeve dhe suspendimi i katër zyrtarëve policor për vrasjen e trefishtë në Gjilan është i arsyeshëm.
Ai ka kritikuar reagimin e policisë në këtë rast, duke thënë se vendi ku ka ndodhur vrasja është 200 metra larg stacionit të policisë.
Maliqi ka thënë se policia e ka gjithmonë një njësit të reagimit të shpejtë dhe në vendngjarje ata kanë mund të jenë brenda 2 deri në 3 minuta.
“Vendi ku ka ndodh rasti në Gjilan është vetëm 200 metra prej stacionit të policisë. Përveç policëve të rendit që janë për patrullim, Policia e ka gjithnjë një njësi për reagim të shpejtë, dhe kanë mundur me qenë aty për 2 deri në 3 minuta. Një prej çështje kryesore kur policia del në vendin e ngjarjes është të ju jep ndihmë peronave të lënduar dhe të interesohet për personin e kryerjes së veprës penale. S’ka qysh të jetë tjerë më të rëndësishme se me kap atë”, ka thënë Maliqi në emisionin “Mesditë” në Tëvë1.
Inspektorati Policor i Kosovës (IPK) ka nisur një hetimet për të verifikuar nëse ndonjë pjesëtar i Policisë së Kosovës ka pasur lëshime apo përfshirje të mundshme në veprimtarinë kriminale të Mefail Shkodrës të dyshuari të shpallur në kërkim për vrasjen e trefishtë në Gjilan.
Sipas këtij rekomandimi, janë suspenduar:Një rreshter policor dhe një hetues nga Njësia e Hetimeve Rajonale të Gjilanit, Një rreshter policor, shef i hetimeve në Stacionin Policor të Novobërdës, Një zyrtar policor nga Njësia e Reagimit të Shpejtë, Drejtoria Rajonale e Policisë Gjilan.
Ndërsa, koloneli në pension Refki Morina ka thënë se nëse të dyshuarit për këtë rast kanë arritur të dalin jashtë vendit dhe janë në ato vende ku Kosova nuk ka bashkëpunim do të jetë i vështirë arrestimi. Ai ka shpreh dyshime se Mefail Shkodra mund të jetë në territorin e Serbisë.
Të dyshuar dhe në kërkim për këtë rast janë dhe dy djemtë e Mefail Shkodrës, Edonis dhe Engjell Shkodra
Të dielën tre persona kanë mbetur të vrarë në mesin e të cilëve babë e bir dhe një i afërm i tyre.
Vrasja sipas hetimeve të para dyshohet se kishte të bënte me një rast fajde.
Ndërsa, një vrasje tjetër ka ndodhur të dielën edhe në Prizren e të hënën një tjetër në Prishtinë.
