Rreshteri policor, Muhamed Lika pas plagëve të marra nga arma e zjarrit është sjell në urgjencën e QKMF-së në Kaçanik, por përkundër përpjekjeve të ekipi mjekësor nuk arriti t’iu mbijetoi plagëve.
Kështu ka deklaruar drejtori i Qendrës Kryesore të Mjekësisë Familjare në Kaçanik, Sinan Zeneli i cili tha se në ora 23:00 ekipi mjekësor kishte marr informacionin për fillimisht plagosjen e rreshterit.
“Në ora 23:00 ekipi ka marr informacion në rrugën ‘Idriz Seferi’ se ka ndodhur plagosja e rreshterit, Muhamed Lika. Ekipi mjekësor ka shkuar atje menjëherë e ka marr të plagosurin e ka sjell në QKMF përkundër përpjekjeve të ekipit mjekësor që në ndihmojnë në këtë drejtim që te shpëtohet jeta e rreshterit, rreshteri ka marr plagë të cilave nuk ka mund t’iu shpëtoj”, tha ai.
Drejtori i QKMF-së në Kaçanik nuk dha detaje të tjera me arsyetimin se nuk është takuar me ekipin mjekësor që e trajtoi tanimë të ndjerin, Muhamed Lika.
“Nuk e di, nuk i kam këto informata sepse me ekipi e ndërrimit nuk kam mundur as me u takua”, tha ai.
Rreshteri policor, Muharrem Lika fillimisht është plagosur mbrëmë rreth orës 23:00 me armë zjarri në afërsi të banesës së tij në Kaçanik, por më pas nuk iu mbijetoi plagëve të marra.
Ndërkohë, i dyshuari për rastin akoma është në arrati.
Lidhur me vrasjen e rreshterit policor kanë reaguar edhe nga Sindikata e Policisë së Kosovës e cila e ka dënuar këtë vrasjes duke e quajtur atentat kriminal.
“Ky akt i rëndë është një atentat i drejtpërdrejtë ndaj sigurisë publike, ligjit dhe vetë shtetit të Kosovës. Çdo sulm ndaj një zyrtari policor është sulm ndaj Republikës së Kosovës!Policia e Kosovës është shtylla kryesore e rendit dhe sigurisë në vend. Prekja e saj është përpjekje për të minuar themelet e shtetit tonë dhe nuk do të tolerohet. Sindikata e Policisë së Kosovës kërkon nga të gjithë akterët shtetërorë dhe institucionet e drejtësisë veprime të menjëhershme për zbardhjen e këtij akti kriminal dhe vënien para përgjegjësisë të autorëve”, thuhej në reagimin e tyre.
Brenda dhjetë ditëve të fundit, pesë qytetarë të vendit janë vrarë në Kosovë.
