Policia e Kosovës e ka shpallur në kërkim të dyshuarin për vrasjen e rëndë që ndodhi para 5 ditëve në Podujevë, raporton teve1.info
Përmes një njoftimi për medie, Policia e ka publikuar të dyshuarin me fotografi, duke kërkuar ndihmën e qytetarëve për identifikimin tij.
Sipas Policisë, për çdo informatë nga qytetarët, të kontraktohet numri 192 i Policisë.
“Njësiti i hetimeve të përgjithshme që operon në kuadër të Drejtorisë Rajonale të Policisë në Prishtinë, me autorizim nga prokuroria kompetente, kërkon ndihmë nga qytetarët në ofrimin e informatave, të cilat do të ndihmonin në identifikimin e personit të dyshuar.
I dyshuari, kërkohet për vrasjen e rëndë që ka ndodhur me 11.09.2023, në Podujevë.
Të nderuar, për çdo informatë që mund të çojë në identifikimin e personit të dyshuar kontaktoni policinë në numrin e telefonit: 192”, thuhet në komunikatë.
