Ministri i Punëve të Brendshme, Xhelal Sveçla, ka kërkuar që të vihet drejtësi për rastin e vrasjes së policit, Lirim Haxholli në Zllatar të Prishtinës.
Sveçla thotë se më të marrë lajmin ka kërkuar nga Inspektorati i PK-së angazhim maksimal në zbardhje e këtij rasti.
“Në orët e hershme jam njoftuar për incidentin me të shtëna me armë zjarri në fshatin Zllatar nga i cili ka humbur jetën pjesëtari i Policisë së Kosovës, Lirim Haxholli. Shpreh ngushëllimet e mija familjes së të ndjerit për humbjen e familjarit të tyre.Me të marrë lajmin, kam kontaktuar Kryeshefin e IPK-së nga i cili kam kërkuar angazhimin maksimal të këtij institucioni në hetimin e plotë të kësaj ngjarje dhe rrethanave në të cilat ka ndodhur. Tashmë janë angazhuar të gjitha kapacitetet e nevojshme për të zbardhur rrethanat e ngjarjes si dhe përgjegjësit e kësaj tragjedie të vihen para përgjegjësisë”, ka shkruar Sveçla.
Pjesëtari i PK-së, Lirim Haxholli,është vrarë mbrëmë aksidentalisht nga një kolegë i tij në një aheng.
Pas kësaj ngjarje janë arrestuar pesë policë dhe për nëntë të tjerë është rekomanduar suspendim./Tëvë1.info/
