Me duar të lidhura e me masa të rrepta sigurie, u soll në Gjykatën Themelore në Ferizaj.
Të enjten vazhdoi shqyrtimi gjyqësor ndaj Valon Aliut, i cili privoi nga jeta ish-bashkëshorten e tij, Erona Cokli në prill të vitit të kaluar.
Në këtë seancë, u kundërshtua ekzaminimi psikiatrik i të akuzuarit, e bërë me urdhër të Gjykatës në shqyrtimin fillestar.
Avokati mbrojtës i familjes, Jeton Berisha kërkoi që në seancën e radhës të vije për dëshmi një nga ekspertët përpilues të këtij ekzaminimi.
“Që të na shpjegojë pak më me detaje lidhur me ecuinë e atij ekzaminimi”, deklaroi gjyqtarja Fitore Daci.
Derisa mbrojtësi i të pandehuit u shpreh se klienti i tij është përballur me presion të vazhdueshëm nga ekipi i Institutit të Psikiatrisë.
“Ai të mbrojturin tim e ka quajtur pedofil, pastaj i ka thënë pse nuk e ke vra personin për të cilin e ke blerë armën, Gazmend Emini. Pataj kush të ka sjellë ty këtu, e gjëra tjera të cilat edhe unë i vlerësoj se ekspertiza mjekoligjore me ekspertin Arsim Gashi, është e njëanshme,subjektive dhe e ka paragjykuar rastin paraprakisht”, tha avokati i të pandehurit, Ramadan Sylejmani.
Ai kërkoi që kjo ekspertizë të mos merret fare parasysh dhe të riekzaminohet nga një tjetër grup ekpertësh.
Kjo u kundërshtua nga prokurori por edhe avokati mbrojtës i familjes.
“Për arsye se nuk i ka pëlqyer përfundimi i këtij ekzaminimi…”, deklaroi prokurori i shtetit, Valdet Aliu.
“Propozimi i tij që të nxjerret një ekpsertizë nga in jëjtit institucion tël ë të nënkuptphjet se i njëjti është i interesuar për zvarritje të procedurës për ta zbardhë të vërtetën e e të gjeturave të tryre”, tha avokati i palës së dëmtuar, Jeton Berisha.
Po ashtu, u kërkua që në seancën e radhës të vie për dëshminë e tij, edhe kryesuesi i këtij ekipi të ekzaminimi.
Më shumë detaje nga gjetjet e këtij ekzaminimi, dha avokati i familjes së dëmtuar pas përfundimit të seancës.
“E kanë konstatuar se i pandehuri ka qenë i vetdijshëm e ka planifikuar e ka orngazniaur rasjen nuk ë ka shprehë dozë pendimi dhe sot e kësaj dite i njëjti është i aftë për toi kuptuar scilin vperim të itj për të filin nuk shfaq pendesë”, tha avokati i familjes së dëmtuar, Jeton Berisha.
Sipas aktakuzës, Valon Aliu më 12 prill brenda Zyrës së Qendrës për Punë Sociale në Ferizaj, me dashje ka privuar nga jeta viktimën Erona Cokli, duke e goditur disa herë me armë në kokë. Ai gjithashtu kishte plagosur në krah edhe vëllaun e të ndjerës.
