Presidentja e vendit, Vjosa Osmani, e shoqëruar nga bashkëshorti, ka votuar në qendrën e votimit që është e vendosur në Fakultetin Teknik.
Pas hedhjes së votës, Osmani para medieve ka ftuar qytetarët të dalin të ushtrojnë të drejtën e tyre kushtetuese duke theksuar se Kosova ka demokracinë më të fortë elektorale në rajon.
“Edhe sot është po aq ditë e rëndësishme sa rundi I parë I zgjedhjeve lokale sepse qytetarët tanë sot vendosin jo vetëm se kush do t’I udhëheq komunat ku jetojnë po njëjtën kohë vendosin edhe për një të ardhme më të mirë për fëmijët tanë vendosin për shumë mundësi për komunat ku ata jetojnë rrjedhimmisht shpresoj që secili prej qytetarëve me të drejtë vote do ta shfrytëzoj këtë të drejtë dhe do të dal sot në votime. Kosova ka demokracinë më të fortë elektorale në rajon dhe kjo është pikërisht për shkak të pjesëmarrjes së qytetarëve tanë në votime për shkak të rregullsisë së proceseve zgjedhore dhe për shkak se gjithnjë organizojmë zgjedhje të lira e demokratike. Jam besimplotë se edhe dita e sotme do të jetë e tillë, pra do të organizohen zgjedhje të lira e demokratike dhe secili qytetar do ta shfrytëzoj të drejtën e e tij kushtetuese për të vendosur për komunën ku jeton për shërbimet të cilat I ofrohen dhe për mundësi më të mira”, ka deklaruar Osmani.
