Kryeministri në detyrë i Kosovës, Albin Kurti, ka ushtruar të drejtën e votës në kuadër të zgjedhjeve të rregullta lokale.
Ai ka votuar në Fakultetin Juridik të Universitetit të Prishtinës.
Pas votimit, Kurti u ka bërë thirrje të gjithë qytetarëve me të drejtë vote që të dalin dhe ta shfrytëzojnë këtë të drejtë.
“Sot votojmë për të vendosur për katër vitet e ardhshme në komunat tona. Përveçse jemi qytetarë të Kosovës, jemi edhe banorë të komunës. Prandaj, ftoj të gjithë qytetarët, pa dallim, që ta përdorin këtë mundësi dhe të bëhen pjesë e zgjidhjes së problemeve për të përmbushur nevojat e tyre”, ka deklaruar Kurti.
