Mbi 80 deputetë kanë potuar pro mocionit që kryeministri të raportojë për takimin e fundit që e pati në Bruksel në kuadër të dialogut.
Deri në ora 13:00 Kuvendi shkon në pauzë kurse prej atëherë e deri në ora 16:00 kryeministri ka shprehur gatishmërinë të raportojë.
Shefja e deputetëve të VV-së, Mimoza Kusari Lila propozoi që deri atëherë të vazhdohej me rendin e ditës.
“Kryeministri është i gatshëm të jeë në seancë të debatojë. Disponueshmëria e tij kohore është prej orës 13:00-16:00. Kërkesa e jona ka qenë që të vazhdohet me pika tjera të seancës që të kemi mbarëvajtje të punës së Kuvendit”, tha ajo.
Kjo ishte e papranueshme nga deputetët opozitarë të cilët vlerësuan se nuk kishte nevojë për vazhdim me pika tjera para se kryeministri të raportonte për takimin e Brukselit.
