Presidentja e Komisionit Evropian, Ursula Von der Leyen dhe kancelari i Gjermanisë, Olaf Scholz, e dënuan sulmin e 24 shtatorit në Banjskë të Zveçanit, raporton teve1.info
Gjatë një konference të përbashkët me kryeministrin shqiptar, Edi Rama, Scholz dhe der Leyen thanë se aktualisht janë në procesin e mbledhjes së fakteve, mbi bazën e të cilave do t’i ndërmarrin hapat e ardhshëm.
“E dënojmë fuqishëm sulmin e tmerrshëm të 24 shtatorit. Aktualisht jemi në proces të mbledhjes së fakteve për atë sulm, dhe në bazë të atij hetimi, ne do të vendim për hapat tjerë, në bashkëpunim të ngushtë me shtetet anëtare”, Von der Leyen.
Ndërsa kancelari gjerman tha se të gjitha aktivitetet e dhunshme në veri të Kosovës i dënon si BE dhe si Gjermani.
“E dënojmë vërtetë sulmin ndaj policëve dhe të gjitha aktivitetet që i pamë në Kosovë, duke sulmuar institucionet dhe njerëzit. Janë gjëra që s’do t’i pranojmë, dhe është e qartë që BE-ja, shtetet anëtare dhe Gjermania, janë të qartë në këtë pikë. Kemi kërkuar për hetim shumë intensiv dhe presim pjesëmarrje të të gjithëve në këtë dhe të mbështesin këtë hetim që është duke u bërë nga institucionet e Kosovës. Është qenësore që autoritetet serbe të bashkëpunojnë me Kosovën në këtë pikë, që mendoj se është shumë mirë nëse kjo do të ndodhte”, deklaroi kancelari Olaf Scholz.
