Raportuesja për Kosovën në Parlamentin Evropian, Viola von Cramon, ka thënë se e dënon dhunën dhe veprimet që kanë ndodhur në veri të vendit.
Ajo tha së nevojitet përmbajtje nga të dyja palët dhe angazhim i plotë ndaj dialogut të udhëhequr nga Brukseli si dhe zbatimi i menjëhershëm i marrëveshjeve të arritura.
“Kam filluar vizitën në Kosovë me përfaqësuesit e shoqërisë civile dhe me mediat për të marrë më tepër informata për situatën e djeshme në veri dhe zhvillimet aktuale, para se të takohem me zyrtarët qeveritarë, me KFOR-in, EULEX-in dhe serbët e Kosovës në Mitrovicë.Dënoj dhunën dhe veprimet në veri. Nevojitet përmbajtja nga të gjitha palët dhe angazhimi i plotë ndaj Dialogut të udhëhequr nga #BE , si dhe zbatimi i menjëhershëm i marrëveshjeve të arritura. Mbështetje e plotë për@MiroslavLajcak në përpjekjet e tij”.
Starting my visit to #Kosovo with the representatives of #CSOs and #media to get the insights on yesterday’s situation in the #north and current developments before meeting government officials, @NATO_KFOR, @EULEXKosovo & representatives and #KosovoSerbs in Mitrovica. pic.twitter.com/ZOpTtd60yb
— Viola von Cramon 🇺🇦🇪🇺 (@ViolavonCramon) May 27, 2023
Për ngjarjen e djeshme ka pasur reagime të shumta duke e cilësuar si provokim vendimin e Qeverisë në veri të vendit.
Ambasadori i SHBA-së në Kosovë, Jeff Hovenier, dje tha se masat e dhunshme duhet të ndërpriten menjëherë.
“Shtetet e Bashkuara dënojnë veprimet e vazhdueshme të autoriteteve kosovare për të hyrë në ndërtesat komunale në veri të Kosovës. Masat e sotme të dhunshme duhet të ndërpriten menjëherë”, tha ai.
