Federata e Volejbollit të Kosovës (FVK), të martën ka zyrtarizuar pjesëmarrjen e Kombëtares së Kosovës me të dyja konkurrencat në CEV Ligën e Evropës 2026.
Kjo ligë përfaqëson fazën e parë të kualifikimeve për Evropianin 2028, ndërsa faza e dytë kualifikuese do të zhvillohet vitin tjetër.
Ky format i ri garash po aplikohet për herë të parë dhe sjellë një mënyrë të re të grumbullimit të pikëve dhe renditjes ndërkombëtare.
Te meshkujt, Kosova gjatë muajit qershor do të përballet me Letoninë, Rumaninë, Austrinë, Maqedoninë e Veriut dhe Izraelit.
Në të njëjtën muaj të vitit tjetër, edhe femrat do ti kenë ndeshjet me Bosnjë e Hercegovinën, Spanjën, Greqinë, Portugalinë, Hungarinë dhe Malin e Zi.
Këto ndeshje do të luhen në tri xhiro, ku Kosova do të jetë mikpritëse e xhiros së tretë në të dy konkurrencat.
“Kosova hyn në këtë format të ri garues me ambicie të qarta dhe me synimin për të shënuar progres të dukshëm në skenën evropiane”, thuhet ndër të tjera në njoftimin e FVK-së.
