Një person është arrestuar në Suharekë pasi dyshohet se kishte vjedhur një minibus e më pas kishte dëmtuar një automjet të parkuar.
Në raportin 24 orësh të Policisë thuhet se të dyshuarit gjatë kontrollit i është gjetur dhe konfiskuar një armë zjarri pistoletë Zoraki e kalibrit 9 mm.
I njëjti bëhet e ditur se pas intervistimit, me vendim të prokurorit është dërguar në mbajtje.
“Është arrestuar i dyshuari mashkull kosovar pasi që i njëjti kishte vjedhur një minibus, e më pas ka dëmtuar një automjet të parkuar. Pasi është ndaluar nga policia, gjatë kontrollit i është gjetur dhe konfiskuar një armë zjarri pistoletë Zoraki e kalibrit 9 mm. Pas intervistimit, me vendim të prokurorit i dyshuari është dërguar në mbajtje”, thuhet në raportin e PK-së./teve1.info/
