Një 41 vjeçar është arrestuar të martën si i dyshuar për vjedhjen e disa kabllove elektrike, tri kutiave elektrike të metalta, dy bojlerëve, dy televizorëve dhe gjësendeve të tjera, në një shtëpi në Zveçan.
Sipas Policisë rasti është raportuar të hënën rreth orës 18:45, ndërsa arrestimi i të dyshuarit është kryer mbi bazë të dyshimeve të arsyeshme dhe provave të siguruara që e lidhin të njëjtin me këtë rast.
Ai thuhet se gjatë intervistimit e ka pranuar se e ka kryer veprën penale duke deklaruar se gjësendet i ka marrë si kompensim i një borgji në vlerë prej 600 € që ia kishte ankuesi.
“Të gjitha veprimet e ndërmarra i janë paraqitur prokurorit të rastit dhe pas intervistimit, me vendim të prokurorit i dyshuari është liruar, ndërsa rasti procedohet në procedurë të rregullt”, thuhet në njoftim./teve1.info/
