Policia e Kosovës ka publikuar një fotografi të dy të dyshuarve për një vjedhje të rëndë, në marsin e vitit të kaluar në Prizren.
Siç njofton policia, personat në fjalë kanë shfrytëzuar mosprezencën e familjarëve në shtëpinë në rrugën “Hazir Tolaj” në Prizren dhe në mbrëmjen e 3 marsit të vitit të kaluar, kanë vjedhur një kasafortë me stoli ari në vlerë prej 20 mijë eurosh, si dhe një pistoletë.
“Sektori Rajonal i hetimeve në Prizren ka bërë përpjekje maksimale në ndriçim të veprës penale dhe ka siguruar 2 fotografi nga kamerat e sigurisë, mirëpo deri tani nuk ka rezultuar në identifikim e të dyshuarve”, thuhet në njoftim.
Prandaj policia ka kërkuar ndihmën e qytetarëve në identifikimin e dy të dyshuarve.
Numrat e telefonit dhe adresat elektronike kontaktuese për të kontaktuar Policinë e Kosovës:
– 192 dhe 080019999 (pa pagesë)
– E-mail adresa: [email protected]
