Në tri komunat veriore, Leposaviq, Zubin Potok dhe Zveçan që nga e premtja ka një tensionim të situatës e cila erdhi pas betimit të kryetarëve të zgjedhur të cilët janë shqiptar.
Por, për dallim prej tyre në Mitrovicën Veriore situata është e qetë atje ku kryetar është Erden Atiq situata është e qetë.
E avokati, Azem Vllasi thotë se është mirë që në këtë komunë është ruajtur qetësia, ndonëse beson se dhe në këto komunat tjera do të stabilizohet situata.
“Është më rendësi që në Mitrovicën veriore është ruajtur qetësia”, tha ai në emisionin InfoNata në Tëvë1.
Duke komentuar deklaratën kryeministrit Kurti për mbështetje ndaj kryetarëve në këtë pjesë të vendit, Vllasi tha se ajo është çfarë duhet bërë një kryeministër, por theksoi se duhet bashkëpunim me ndërkombëtarët sidomos me Amerikën.
Sa i përket çështjes se a duhet të shkojnë kryetarët e zgjedhur në objektet komunale ati tha se kjo duhet bërë sipas situatës dhe nevojës, por që theksoi se prezenca e shtetit në atë pjesë duhet të jetë prezente.
“Policia e Kosovës nuk duhet të hiqet nga ajo pjesë e Kosovës. Në çfarëdo mënyre prezenca e shtetit të Kosovës të ndihet prezente . Ndërkombëtarëve duhet të bëhet e qartë se atje nuk bëhet fjalë për rebelim të qytetarëve por për veprim të bandave e grupeve kriminale. Me ndërkobtarët duhet bashkëpunuar sidomos me amerikanët. Qetësia në Mitrovicë duhet të ruhet”, tha Vllasi.
