Aokati Azem Vllasi i ka quajtur qesharake deklaratat e përfaqësuesve të opozitës pas takimit me përfaqësuesin Special të BE-së për Dialogun Kosovë-Serbi, Miroslav Lajçak, raporton teve1.info
Vllasi në emisionin “Info-Nata” në Tëvë1 tha se nuk ka nevojë as teksti i propozuar i Asociacionit të Komunave me Shumicë serbe në Kosovë të jetë konfidencial.
Megjithatë, sipas Vllasit, Asociacioni duhet të jetë brenda sistemit ligjor dhe kushtetues të Kosovës.
“Nuk ka nevoje të jetë ai tekst konfidencial dhe duhet të kemi parasysh lidhur me Asociacionin, që u bëmë horë, duhet të kemi parasysh se përfaqësuesit e Brukselit dhe Washingtonit vazhdimisht kanë thënë që Asociacioni duhet të jetë si një formë e bashkëpunimit mes këtyre komunave për çështje specifike në interes të serbeve dhe komunave dhe duhet të jetë brenda sistemit ligjor dhe kushtetues të Kosovës”, tha Vllasi.
Vllasi tha se nëse Gjykata Kushtetuese ka gjet se marrëveshja e 2015-ës nuk ishte krejt në përputhje me Kushtetutën dhe tani ndërmjetësuesit evropianë janë ofruar të ndihmojnë, gjithsesi sipas avokati Vllasi kjo duhet të jetë brenda sistemit kushtetues të Republikës së Kosovës.
“Dhe tash nëse Gjykata Kushtetuese ka gjet se ajo marrëveshja e 2015-ës nuk ishte krejt në përputhje me Kushtetutën kjo punë mbeti pezull, tash nëse ndërmjetësuesit evropianë i janë ofruar të ndihmojnë, e kanë bërë një propozim siç thanë të avancuar me standarde evropiane, gjithsesi nënkuptohet që i mbajnë fjalët e veta që ajo duhet të jetë brenda sistemit kushtetues dhe ligjor të Kosovës dhe mendoj që këtu Qeveria e Kosovës t’i hyjë kësaj pune dhe ta merr siç është dashtë prej fillimit si punë të brendshme të Kosovës, si e drejtë kushtetuese madje që del edhe prej planit të Ahtisaarit e drejta e Asociimit gjithnjë duke pas parasysh brenda sistemit kushtetues e jo të lihet kjo si argument i Vuçiqit që ta zhagit dialogun dhe për çështje tjera”, tha avokati Vllasi.
Ndërkohë, takimin e opozitës dhe deklarimet e tyre pas takimit me Lajçakun, Vllasi i quajti qesharake.
“Sot që ishte Lajçaku në Prishtinë për çështje operacionale qysh me shku kjo punë më tutje dhe me liderët e opozitës për ta zbutë presionin dhe kritikat e opozitës që i kanë kundër kryeministrit lidhur me këtë çështje. Kjo ishte jo vetëm e çuditshme por qesharake, ai ka biseduar me tre liderët e opozitës, jo në takime të ndara dhe ata dalin, dy prej tyre thonë na njoftoi në kroniza për atë draft por nuk i pamë detajet, tjetri thotë po e lexuam mirë, ishte brenda kushtetutës, krejt në rregull, ko është qesharake”, tha Vllasi.
Vllasi shtoi se ndërmjetësit ndërkombëtarë nuk janë korrekt kur e adresojnë fajin njëjtë te Prishtina dhe Beogradi për proceset përpara.
Vllasi foli edhe për sulmin në Banjskë për çka tha se ndërmjetësuesit e dialogut po dëshirojnë me e harru çështjen e Banjskës dhe sipas tij nuk dëshiron askush ta shtroj pyetjen nëse Vuçiqi do të marrë masa për atë që siç e quajti Vllasi, tentim-kryengritje në veri.
