Presidenti aktual i Turqisë, i cili në zgjedhjet e 14 majit kërkoi edhe një mandat, ka reaguar pas fillimit të numërimit të votave.
Ai përmes një postimi në Twitter duke vlerësuar procesin demokratik , ka bërë thirrje të gjithëve të qëndrojnë afër kutive të votimit.
Erdogan duke i reaguar kundërkandidatit Kemal Kilicdaroglu, i cili më herët tha se janë duke fituar, tha se shpallja e rezultateve me ngut është uzurpim i vullnetit kombëtar.
“Fakti që zgjedhjet e 14 majit u zhvilluan në formën e një feste të madhe të demokracisë me paqe dhe qetësi është shprehje e pjekurisë demokratike të Turqisë sonë. Ndërsa zgjedhjet u zhvilluan në një atmosferë kaq pozitive dhe demokratike dhe numërimi i votave vazhdon ende, përpjekja për të shpallur rezultate me ngut do të thotë uzurpim i vullnetit kombëtar.Jemi të kënaqur që favori i kombit tonë reflektohet në numërimin e vazhdueshëm të votave”, ka shkruar ai, përcjell teve1.info.
Kilicdaroglu më herët tha se ata janë duke fituar.
Erdogan është duke kryesuar garën presidenciale me 50.30% nga mbi 80% e votave te numëruara.
