Policia e Kosovës ka bërë të ditur se të dielën në Lipjan është raportuar një rast i vjedhjes së një veture.
Ankuesja, ka raportuar se persona të panjohur ia kanë vjedhur veturën. Pas hetimeve të shpejta, policia ka arritur të identifikonte dhe arrestonte të dyshuarin.
Me vendim të prokurorit, i dyshuari është dërguar në mbajtje, ndërsa vetura e vjedhur i është kthyer pronares.
Hetimet për rastin po vazhdojnë.
“Ankuesja femër kosovare ka raportuar se persona të panjohur i kanë vjedhur veturën e saj. Është identifikuar dhe arrestuar i dyshuari mashkull kosovar dhe me vendim të prokurorit është dërguar në mbajtje, kurse vetura i është kthyer pronares”, thuhet në raportin e Policisë së Kosovës.
