Donald Trump Jr, djali i madh i presidentit amerikan, u takua të martën në Beograd me presidentin e Serbisë, Aleksandar Vuçiq.
Gazetari, Mirlind Behluli ka thënë se kjo vizitë është bërë prej lobit serb për shkak të pozitës jo të favorshme që ndodhet presidenti serb nga protestat masive në Serbi.
Tutje, ai ka thënë se kjo vizitë është duke u përdorur për konsum të brendshëm dhe që Trump Jr nuk ka ndonjë post ekzekutiv në Qeverinë amerikane.
“Trump Jr nuk ka asnjë post ekzekutiv në Qeverinë amerikane… Qekjo vizita e Trump Jr mendoj që është ekskluzivisht e bërë prej lobit serb…Unë mendoj që vizita ka qenë më shumë një lloje tendence për ta parë që përkrahja e Trumpit, pra dinastisë Trump për Vuciqin i cili sot është në pozitën më të keqe historike të tij brenda Serbisë… Vizita e tij e cila paraprakisht ka qenë edhe në dhjetor ku është shtru një darkë ku është folur për investime në qendër të Beogradit dhe krejt këto ndërmarrja ekonomike tentohen me u akplatu në mënyre politike për konsum të brendshëm të Vuçiqit…“, ka deklaruar ai në emisionin “Këndi i Debatit“ në Tëvë1.
