Emisari i ri i Bashkimit Evropian për dialogun Kosovë-Serbi, Peter Sorensen ka qëndruar për vizitë sot në Kosovë.
Politologu Avdi Smajlaj ka thënë se Sorensen ka ardhur për tu njoftuar me gjendjen aktuale sa i përket dialogut Kosovë –Serbi.
Smajlaj ka thënë se kjo vizitë dhe takimet që ka zhvilluar në Kosovë më tepër kanë qenë informuese dhe siç tha ai pret që kështu të jetë edhe në Serbi.
Tutje, ai tha se pritet edhe vizita të tjera nga Sorensen për të dinamizuar procesin e dialogut.
“Vizitë rutinore, tregon fillimin e mandatit të tij. Mund të them se ishte një vizitë e suksese nëse e marrim për bazë për atë që ka ardhur, sic tha edhe ai vetë, kam ardhur për tu njoftuar me gjendjen aktuale sa i përket dialogut….Më shumë… një vizitë informuese. Një gjë e tillë besojë që do të jetë edhe në vizitën në Serbi… të gjitha këto janë një tregues që Sorensen do të bëjë edhe disa vizita të tjera pas kësaj për ta dinamizuar procesin e dialogut, i cili pastaj pritet që ndoshta mund të këtë rezulltate më të këtë rezultate më të frytshme sesa ato më paraardhësin e tij… Pastaj zhvillimet në Serbi, në rast se atje shkohen në zgjedhje kjo nënkupton se mund të stërgjatët edhe më tutje procesi i dialogut sepse për të bërë dialog nevojitet vullneti i të dyja palëve gjë që aktualisht është treguar në një mas të madhe nga Serbia që ka mungu. Por, në rast që vendos të shkojë në zgjedhje pastaj do ta komplikonte edhe më tutje dinamizmin e procesit të dialogut”, ka deklaruar ai në emisionin “Ditari” në Tëvë1.
