Ky është vlerësimi që ka njohësi i marrëdhënieve ndërkombëtare, Shqiprim Pula, për vizitën e Shcolz e cila pritet të ndodh në fillim të muajit qershor.
“Kancelari Scholz pas marrjes së detyrës e organizoi kohën e tij për të ardhur në rajonin tonë, me siguri për të konfirmuar Procesin e Berlinit dhe dyta për të rikonfirmuar vëmendjen e Gjermanisë. Ardhja e kancelarit në rajonin tonë është një kambanë mbështetëse dhe njëkohësishtë do të ketë kërkesa që politikat e fqinjësisë së mirë të rithellohen në mënyrë që vendet në rajon ti tejkalojnë ngarkesat e të kaluarës”, tha Pula në “Info Nata” në Tëvë1.
Kancelari gjerman Olaf Scholz, muajin e ardhshëm do të qëndrojë për vizitë në vendet e Ballkanit Perëndimor. Burimet e tëvë1, bëjnë të ditur që kancelari do të qëndrojë për vizitë edhe në Kosovë. Në anën tjetër, mediat gjermane kanë raportuar se Scholz, do të qëndrojë edhe në Serbi.
Më 4 maj kryeministri i Kosovës, Albin Kurti, me ftesë të kancelarit gjerman kishte vizituar Berlinin. Fetsë e njëjtë ishte dhe për presidentin e Serbisë, Aleksander Vuçiq.
Por, Kurti e Vuçiq ishin pritur në takime të ndara nga Scholz, ndërsa takim të përbashkët kishin zhvilluar me përfaqësuesin e BE-së për dialogun, Miroslav Lajçak.
