Policia e Kosovës ka njoftuar se gjatë vizitës së sotme në Kosovë, të presidentit të Këshillit të Evropës, Antonio Costa do të ketë ndërprerje të përkohshme të qarkullimit trafik.
Sipas njoftimit të policisë, do të ketë riorientim të trafikut në rrugët alternative.
Gjatë kësaj vizite të presidentit, policia do të angazhohet për ruajtjen e rendit dhe qetësisë publike.
“Për të mundësuar qarkullim të lirë sipas itinerarit të lëvizjes si dhe zhvillimin e aktiviteteve apo takimeve të personaliteteve të larta sipas agjendës, Policia e Kosovës do të bëjë ndërprerje të përkohshme të qarkullimit të trafikut (në intervale të shkurtra kohore) të disa segmenteve rrugore, ku edhe mund të ketë riorientim të trafikut në rrugë alternative, andaj Policia e Kosovës kërkon mirëkuptim të plotë nga ana e qytetarëve dhe pjesëmarrësve në trafik”, thuhet në njoftim./teve1.info/
