Vitija ka thënë se në rastin e kirurgëve, Arsim Latifaj dyshohet se ka marrë më së shumti para, në vlerë prej 400 eurosh.
“Në video që i kam publikuar njëri prej mjekëve Zeka i ka dy raste kurse dy të tjerët e kanë nga një rast. Në vlerë të parave dyshohet se ka marrë më së shumti Arsim Latifaj, bëhet fjalë për 400 euro. Sipas sinjalizuesit që kemi bashkëpunuar, ka raste kur marrin më tepër”, ka deklaruar ai në emisionin “Ditari” në Tëvë1.
Po ashtu, Vitija thotë se kërcënime po merr nga familjarët e ngushtë të kirurgut Latifaj.
“Janë familjarë të ngushtë të kirurgut Arsim Latifaj, është vëllai i tij Besim Latifaj i cili jeton dhe punon në Angli, ai vazhdimisht poston shkrime linçuese ndaj meje. Është djali i kirurgut Latifaj i cili po ashtu ka dërguar mesazhe dhe emaila kërcënuese, ka edhe familjarë të tij të tjerë. Pasi është publikuar kanë filluar mesazhet dhe vazhdimisht janë duke vazhduar sidomos postimet linçuese duke ofenduar edhe përdorë lloj-lloj termash kundër meje”, ka theksuar Vitija.
Vitija ditë më parë ka raportuar se për tre kirurgë në Spitalin e Vushtrrisë të cilët dyshohet se kanë marrë para nga pacientët për të kryer operacionet. Paratë nga rreth 150 deri në 400 Euro, siç rrëfejnë pacientët dhe familjarët në katër video ekskluzive që ka siguruar Gazeta Shneta, mjekët i kanë marrë në emër të blerjes së materialit (kryesisht rrjeta dhe klipa) të nevojshëm për operacion. Në mesin e kirurgëve është Isuf Zekaj – shef i kirurgjisë në SP Vushtrri dhe anëtar i Bordit Drejtues të SHSKUK-së, dhe dy kirurgët Ekrem Sefiu dhe Arsim Latifaj. /Teve1.info/
