Ministria i Shëndetësisë, Arben Vitia ishte në vizitë në QKUK, ku janë trajtuar nxënësit e shkollës së mesme teknike “Presheva”, të cilët janë përfshirë në një aksident trafiku në Vragoli.
Kështu ka bërë të ditur Ardita Sinani, këshilltare e kryeministrit Albin Kurti për Preshevë, Medvegjë dhe Bujanoc.
“Ministri i Shëndetësisë së Republikës së Kosovës, z. Arben Vitia, ishte në vizitë në QKUK ku po trajtohen nxënësit e shkollës së mesme teknike “Presheva”. Ai na informoi se përveç njërës nga nxënëset e cila ka lëndime të lehta trupore e cila ka marrë ndihmën e menjëhershme, të gjithë të tjerët kanë kaluar pa lëndime. Po ashtu njërës nga nxënëset i është bërë CT skenim për rast sigurie”, ka shkruar ajo.
Drejtori i Emergjencës, Naser Syla, tha për teve1.info tha se gjendja e tyre është stabile dhe të gjithë janë lëshuar për në shtëpi.
“ Janë sjellur 13 persona prej aksidentit ku 7 prej tyre janë nxënës. Të gjithë e kanë marrë trajtimin dhe gjithë janë lëshuar në shtëpi pasi s’kanë pasur lëndime të rënda”, tha Syla.
Ndërsa, nga kompania “Graniti trans” i kanë bërë apel prindërve që të mos të shqetësohen pasi nxënësit janë mirë dhe duke u kthyer në shtëpi.
Ndryshe, rreth 30 persona janë lënduar në një aksident që ka ndodhur në rrugën Prishtinë – Pejë, konkretisht në fshatin Vragoli.
