Ministri i Shëndetësisë, Arben Vitia, tha se së shpejti do të nisë zbatimi i ligjit të ri për sigurime shëndetësore.
Gjithashtu ka thënë se ligji për ndalimin e duhanit, ligji për inspektoratin dhe ligji për barna janë në finalizim.
Vitia këto komente i bëri gjatë raportimit në Komisionin për Shëndetësi ku ka përmendur disa të arritura që sipas tij janë shënuar gjatë vitit 2023.
Vitia ka thënë se kanë zvogëluar pritjet në disa klinika, ndër të cilat përmendi edhe Klinikën e Radiologjisë.
“Në Ortopedi kemi bërë renovim të sallave, do të blihen edhe aparatura të reja, e proteza të ndryshme. Po punohet edhe në spitalet tjera. Në Klinikën e Kardiologjisë ka pasur rekord të ndërhyrjeve, kjo po zgjerohet edhe në Prizren, Po ashtu, në Kirurgjinë Vaskulare po investojmë në salla, çdo investim në salla, rrit volumin e punës”, ka theksuar ministri.
Vitia ka thënë se janë bërë investime edhe në Klinikën e Neurokirurgjisë./eo/
