Kryetarja e FSSHK-së, Tevide Imeri, pas takimit me ministrin e Shëndetësisë, Arben Vitia, ka thënë se ai ka shprehur gatishmëri për tu takuar sërish të premten.
Sipas Imerit gjatë takimit Vitia nuk ka qenë aq i prerë sa herat e tjera për kontratën kolektive dhe për kërkesat tjera të FSSHK-së edhe pse sipas saj ai i kishte kuptuar mirë ato.
“Ministri i përsëriti të njëjtat gjëra që i kemi biseduar edhe më herët e shprehu një gatishmëri për ulur dhe biseduar sërish, e kemi lënë një takim për ditën e nesërme për të parë si do vazhdojmë, megjithatë nuk ishte shumë i prerë sikur herat e tjera për kontratën kolektive dhe për kërkesat që i kemi dhe nuk ishte shumë i qartë, kësaj rradhe nuk ishte i qartë ministri dhe jo unë, ai kërkesat tona i kishte kuptuar shumë mirë, tha i kam shumë të qarta mirëpo po kërkon të takohemi dhe njëherë”, është shprehur ajo pas takimit.
Ndryshe, FSSHK të enjten protestuan me të njëjtat arsye si edhe në protestën e 14 nëntorit, për ndërprerjen e dialogut social me Ministrinë e Shëndetësisë, mospajtimin me propozimin e qeverisë për një rritje të vogël të koeficientit prej 0.5, mosnënshkrimin e Kontratës Kolektive Sektoriale, si dhe për injorimin e protestës nga ana e Ministrisë së Shëndetësisë ndaj kërkesave të FSSHK-së./teve1.info/
