Ministri i Shëndetësisë, Arben Vitia ka thënë se në Kosovë janë paguar ekspertë për të trajnuar stafin në Fondin e Sigurimeve Shëndetësore, të cilët siç tha ai, nuk dinë as për vete. E kjo sipas Vitisë, kishte ndodhur gjatë qeverive të kaluara, të cilat ai i quajti si të “papërgjegjshme”
Kjo deklaratë e Vitisë erdhi pas replikës së deputetit të AAK-së, Shemsedin Dreshaj i cili i tha këtij të fundit se stafi i fondit të sigurimeve shëndetësore nuk është i aftë sa duhet.
“Ka staf të pa trajnuar, punësime të militantëve, punësime të familjarëve, por a e di se çfarë ka ndodhur profesor? Janë paguar ekspertë për të trajnuar stafin në fondin e sigurimeve shëndetësore, ekspertë të cilët pastaj janë parë që nuk dinë as për vete dhe është paguar për t’i trajnuar ekspertët, për të shkuar për t’i trajnuar stafin e fondit të sigurimeve shëndetësore. Këtë e kanë bërë qeveritë e papërgjegjëshme, unë nuk kam fjalë”, tha Vitia.
