Megzon Visoka më nuk është trajner i skuadrës së Drenicës.
Burime të Tëvë 1 kuptojnë se Visoka, së bashku me asistentin e tij, Robert Gjeraj dhe stafin tjetër kanë vendosur të largohen me marrëveshje të dyanshme, të martën mbrëma.
Dyshja ka vendosur të largohet nga Drenica, me pjesën tjetët të stafit përkundër rezultateve pozitive këtë sezon, mëson Sporti në Tëvë.
Drenica është ekipi i vetëm jo në të dy grupet e Ligës së Parë, por edhe në Superligë që nuk di për humbje.
Në 8 ndeshje të luajtura deri më tani në Grupin A të Ligës së Parë, Drenica ka pesë fitore e tri barazime.
Zë vendin e dytë në tabelë me 18 pikë të mbledhura.
Visoka kishte marrë drejtimin e Drenicës para fillimit të këtij sezoni dhe së bashku me stafin e tij kishin synim rikthimin e ekipit nga Skenderaj në elitë dhe ishin në rrugën e duhur.
