Eurodeputetja vlerëson se Qeveria Kurti është duke e luftuar seriozisht krimin dhe korrupsionin, ndërsa është shprehur e lumtur për mënyrën se si u mbajtën zgjedhjet e fundit lokale, që sipas saj Kosova dëshmoi nivel të lartë të demokracisë.
“Unë e shoh një Qeveri ambicioze, qe dëshiron të bëjë reforma të rëndësishme. Me sa e shoh kjo është Qeveria e parë që po e lufton seriozisht krimin dhe korrupsionin, dhe për mua këto janë hapa shumë të rëndësishëm për të ardhmen e vendit. Unë i kam përcjelle me fokus të madh zgjedhjet e fundit lokale, dhe mund të them se u organizuan në mënyrë fantastike, duke e dëshmuar edhe njëherë se ky vend është demokratik. Ndërkaq sugjerimi im për këtë Qeveri është që t’i japin rëndësi të gjitha grupeve shoqërore, e gjithashtu të tregojnë interes më të madh për pjesën veriore të vendit.
E sa i përket nismës “Open Balkan”, Viola Von Cramon vlerëson se nuk ka barazi mes shteteve, dhe se sipas saj ata që e kanë nisur këtë iniciativë kanë synime të përfitojnë më shumë se vendet e tjera.
“Iniciativa e OpenBalkan nuk me duket e drejtë për shkak se nuk shoh barazi mes shteteve të Ballkanit Perëndimor. Ata që e nisën këtë iniciativë kanë synime që të përfitojnë në kurriz të shteteve tjera dhe po kërkojnë vëmendje më të madhe. Për mua Procesi i Berlinit është i duhuri, për arsye se ka përkrahje nga pjesa më e madhe Bashkimit Evropian, dhe kornizat e bashkëpunimit rajonal mes vendeve të Ballkanit Perëndimor janë të qarta ”
Megjithatë, ajo shprehet e shqetësuar për situatën në rajon për shkak të zhvillimeve të fundit në Bosnje dhe Hercegovinë.
Mes tjerash Von Cramon, ka folur dhe për procesin e liberalizim të vizave për Kosovën. Ajo thotë se qytetarëve të Kosovës po u bëhet një padrejtësi e madhe, ndërsa për këtë çështje fajtor po e lë Presidentin Francez, Emmanuel Macron.
Intervista e realizuar nga gazetari Shpat Blakçori
