Zërat për një largim të mundshëm nga Real Madridi, Vinicius Jr, i shoi menjëherë të martën mbrëma, pas paraqitjes spektakulare të tij dhe të bashkëlojtarëve, ndaj Manchester Cityt.
Reali triumfoi me përmbysje dhe në çastet e fundit të ndeshjes, 2:3 për t’i dhënë skuadrës madrilene avantazhin nga ndeshja e parë e Play-Offit në Champions League.
Në fokus të këtij dueli, madje edhe pa nisur ishte braziliani i cili u raportua se javën e kaluar refuzoi një ofertë të Realit për ta vazhduar kontratën, derisa nuk munguan spekulimet rreth së ardhmes së tij, që e lidhnin menjëherë me një kalim te PSG-ja apo edhe në Arabinë Saduite.
Vini Jr, duke folur për “TNT SportsBR”, ka pranuar sa janë duke biseduar për vazhdimin e kontratës, por edhe se ai dëshiron qëndrimin në klub.
“E vërtetë, por negociojmë kontratën e re.. Dëshira ime është të qëndroj këtu për një kohë të gjatë dhe të shkruaj historinë me Real Madridin”, ka thënë sulmuesi rreth situatës së tij.
Me ardhjen e Mbappes dhe pagës aktuale të francezit, është pritur që Vini Jr, do të kërkonte më shumë rreth pagës dhe kushteve të kontratës.
