Drejtoresha e spitalit të Koçanit, Kristina Serafimova në deklaratën e parë për media njoftoi se në këtë spital po trajtohen rreth 20 pacientë me lëndime më të lehta, ndërsa të lënduarit që janë në gjendje më të rëndë janë dërguar në Klinikat e Shtipit dhe Shkupit.
Serafimova tha se një numër i madh i viktimave nga zjarri i cili kaploi diskotekën kishin ndërruar jetë në vendngjarje por disa prej tyre sapo kishin mbërritur në spital.
Sipas drejtoreshës së spitalit të Koçanit personat e vdekur janë nga mosha 14-24 vjeçare. Janë identifikuar për momentin vetëm ata që kane pasur me vete letërnjoftime, raporton Alsat.m
Personat që trajtohen në spitale kanë pësuar djegie dhe janë helmuar nga tymi i zjarrit.
Siç raportojnë mediat atje të arrestuarit janë tre pronarët maqedonas të cilët kishin licencë të punës deri me 24 mars.
Të paktën 51 persona vdiqën si pasojë e zjarrit në një klub nate në qytetin lindor të Maqedonisë së Veriut, siç ka bërë të ditur më herët ministri i Brendshëm, Pançe Toshkovski.
