Një 42- vjeçar është vrarë sot në një lokal në rrugën “Sala Hamit Jashari” rreth orës 14:00 në Skenderaj.
Gazetari i Tëvë1 Lindrit Zejnullahu i cili është duke qëndruar në vendin e ngjarjes ka bërë të ditur se viktima dhe dorasi janë kushërinj në mes veti.
I njëjti ka deklaruar se nga burime nga policia ka mësuar se deri të vrasja ka ardhur për shkak të konflikteve pronësore.
“Para disa minutash është larguar trupi i pajetë i viktimës nga lokali dhe i njëjti tashmë është i mbyllur. Nga burimet tona kemi mësuar se dorasi dhe viktima janë kushërinj në mes veti. Nga Prokuroria Themelore në Mitrovicë na kanë njoftuar zyrtarisht se tashmë janë identifikuar dy të dyshuarit rreth këtij rasti. Ende nuk është bërë i ditur motivi zyrtarisht, por ne kemi pasur komunikim me disa burime brenda policisë, ku fillimisht dyshohet se deri të rasti ka ndodhur për shkak të konflikteve pronësore, por nuk është konfirmuar ende zyrtarisht”, ka thënë ai.
Konfirmon Policia, personi i vrarë në Skenderaj një 42-vjeçar
