Në lagjen “Livadhet e Arapit” në Gjilan, u bën përgatitjet e fundit që të vihet gurthemeli i një çerdhe.
Por, personat që do t’i bartinin këto pajisje, u vonuan për disa minuta.
Megjithatë, nuk shkoi shumë e nisi puna. Lopatën e parë me beton në gurthemelin e këtij institucioni arsimor e hodhi i pari i qeverisë, Albin Kurti.
Më pas, të njëjtën veprim e bëri ministrja e arsimit, Arbërie Nagavci dhe kryetari i Gjilanit, Alban Hyseni.
Por fjalë për këtë projekt, pati vetëm kryeministri Kurti.
“Do t’i ketë afër 900 metra katrorë. Do të jetë për 80 fëmijë dhe punimet e këtij projekti, siç është paraparë, do të përmbyllen për 12 muaj. Pra, lajm i mirë për fëmijët, lajm i mirë për prindërit”, tha kryeministri Kurti.
Kurti potencoi se projekti është atribut i qeverisjes së mirë, si në nivel qendror edhe në atë lokal.
“Kur e kemi marrë pushtetin ekzekutiv, kemi ardhur në qeverisje të këtij vendi, të cilin e kemi realizuar pas fitores së madhe të shkurtit të vitit 2021 nuk e kemi gjetur asnjë çerdhe në Gjilan të finacuar nga MASHTI. Gjithashtu, kur ka ardhur në pushtet ekzekutiv në Gjilan, Alban Hyseni, kur ka fillu qeverisja e mirë në komunën e Gjilanit, pas zgjedhjeve të vjeshtës së vitit 2021, këtu nuk ka pasur kujdes për fëmijët as në kuptimin institucional dhe as në kuptimin social”, tha Kurti.
Vlera e këtij investimi të Minsitrisë së Arsimit, llogaritet të jetë rreth 855 mijë euro, e cila është çerdhja e gjashtë që financohet nga Qeveria brenda katër viteve të fundit.
