Një akt i vjedhjes është shënuar të martën në qytetin e Ferizajt, ku dy kambana të kishës katolike janë marrë nga persona ende të panjohur.
Sipas raportit të Policisë së Kosovës, vjedhja është zbuluar pas shikimit të kamerave të sigurisë, të cilat kanë kapur momentin kur tre persona me një automjet civil kanë hyrë në oborrin e kishës dhe kanë marrë kambanat.
“Ankuesi mashkull kosovar ka raportuar se nga persona ende të panjohur janë vjedhur dy kambana të kishës katolike. Nga kamerat e sigurisë kanë parë se një automjet civil ka hyrë në oborrin e kishës, ku ishin tre persona të cilët kanë vjedhë kambanat,” thuhet në njoftimin e Policisë së Kosovës.
Autoritetet kanë njoftuar se rasti është duke u hetuar dhe po punohet për identifikimin dhe arrestimin e të dyshuarve.
