Në gjyqin për trafik seksual ndaj Sean ‘Diddy’ Combs, një video e vitit 2016, ku ai shihet duke sulmuar ish-të dashurën e tij, Casandra Ventura, do të përdoret si provë.
Gjykatësi Arun Subramanian rrëzoi kërkesën e mbrojtjes për ta përjashtuar videon, ndërsa dy dëshmitarë pritet të dëshmojnë mbi ngjarjen.
Combs, i akuzuar më parë edhe për dhunë fizike dhe abuzim seksual nga Ventura, përballet gjithashtu me akuza nga ish-punonjësit e tij për kërcënime dhe abuzime gjatë punës.
