Edon Zhegrova gjen golin e dytë në kampionatin francez, teksa ka dërguar topin në rrjetë në mënyrë spektakolare dhe i ka dhënë një pikë skuadrës së Lille në transfertën ndaj Angers.
Sulmuesi i Kosovës, që është në huazim te francezët e Lille, zbriti në fushë në minutën e 66’, vetëm dy minuta pasi Angersi vendas kaloi në avantazh dhe i mjaftuan vetëm 8 minuta për të rikthyer sërish baraspeshën.
Pasi mori një top në krah, sulmuesi lëshoi një goditje me të majtën nga jashtë zone dhe ndali sferën në rrjetë, duke shënuar një gol vërtetë spektakolar, siç na ka mësuar shpesh, ndërsa Lille mori një pikë që gjithsesi i vlen pak në garën për një vend në kompeticionet europiane.
Bordeaux ka dhënë shenja jete, pasi ka mposhtur me rezultatin 3-1 Metzin në sfidën direkte për mbijetesën dhe është ngjitur në vendin e parafundit, duke rritur ndjeshëm shanset për të qëndruar në elitën e futbollit.
Në sfidat e tjera, Monaco ka triumfuar me rezultatin 2-1 ndaj Troyes, ndërsa Brest është ndalur në barazim 1-1 ndaj Nantes.
